من نحن
منصة سودانية بتجمع الباحثين عن شغل مع أصحاب العمل في مكان واحد نضيف وواضح.
اشتغل بدأت من مشكلة بسيطة: الوظايف في السودان متفرقة في مجموعات واتساب وصفحات فيسبوك ومنشورات بتضيع بعد يومين. الباحث عن شغل بضيع وقته يدور، وصاحب العمل ما بلقى الزول المناسب، والاتنين بتعبوا من غير سبب.
جمعنا كل ده في مكان واحد. تقدر تدور بالولاية والمجال ونوع الدوام، وتقدم من التلفون في دقيقة، وتتابع طلبك خطوة بخطوة بدل ما تستنى رد ما بجي. وعشان كتير ناس ما عندهم سيرة ذاتية أصلاً، عملنا ليك واحدة مجاناً وما بتحتاج حتى تسجل.
إحنا لسه في البداية، وكل ملاحظة بتوصلنا بنقراها. لو عندك اقتراح أو لقيت حاجة غلط، كلمنا.
كيف بنشتغل
كل إعلان بتمر عليه عين
ما في إعلان بينشر أوتوماتيك. في زول بقراه الأول، ولو فيهو حاجة ما مظبوطة بترفض وبنقول لصاحبها السبب.
مجاني للباحث عن شغل
البحث والتقديم ومنشئ السيرة الذاتية كلهم مجانيين. ما بنطلب منك قروش، ولا بنسمح لأي صاحب عمل يطلب منك قروش.
توثيق أصحاب العمل
الشركة بتقدم مستندات، وإحنا بنراجعها. علامة التوثيق ما بتشترى — بتتعطى بعد مراجعة.
المنصة ليك لو
بتدور على شغل
دور، احفظ الإعلانات، قدّم، وتابع كل طلباتك من مكان واحد. وخلي التنبيهات تجيب ليك الجديد بدل ما تدور كل يوم.
الوظائفبتدور على موظفين
انشر إعلانك، استقبل الطلبات مرتبة، وحرك المتقدمين خطوة خطوة من المراجعة لحدي التعيين.
أعلن عن وظيفة