الصفحة دي بتشرح شنو البيانات اللي بناخدها منك وليه، وشنو بنعمل بيها.
شنو بنجمع
اسمك وإيميلك ورقم تلفونك، والمعلومات اللي بتكتبها في ملفك أو سيرتك الذاتية، وإعلانات الشغل لو إنت صاحب عمل. لو دخلت بحساب Google، Google بيدينا اسمك وإيميلك. كمان بنسجل وقت آخر دخول وعنوان الـ IP لأغراض الأمان، وبنحسب عدد المرات اللي الناس بيضغطوا فيها زر التقديم في وظيفة، وعدد المرات اللي أصحاب العمل بيفتحوا فيها ملفك، عشان أصحاب العمل والباحثين عن عمل يعرفوا نتائجهم.
ليه بنجمعها
عشان نوصل طلبك لصاحب العمل، ونوريك وظائف مناسبة ليك، ونحمي المنصة من النصب والحسابات الوهمية. بس.
مين بشوف بياناتك
لما تقدم على وظيفة، صاحب العمل صاحب الإعلان بشوف اسمك وبيانات التواصل وسيرتك الذاتية. غير كده إنت البتقرر مين يشوف ملفك: بيبدأ «خاص» (إنت بس وأصحاب العمل اللي قدمت ليهم)، وتقدر تغيّره لـ«أصحاب العمل فقط» أو «عام» من إعدادات الخصوصية. أصحاب العمل ما بيلقوك في البحث عن المرشحين إلا لو إنت فعّلت ده بنفسك. تلفونك وإيميلك ما بيظهروا أبدًا في الملف العام. فريق الإدارة عندنا بقدر يشوف البيانات للمراجعة ومعالجة البلاغات فقط.
ما بنبيع بياناتك
ما بنبيع ولا بنأجر بياناتك لأي جهة، ولا بنستخدمها في إعلانات.
الملفات اللي بترفعها
السير الذاتية والمستندات محفوظة في مكان مقفول ما بينفتح مباشرة من الإنترنت، وما بتتعرض إلا للجهة اللي ليها حق تشوفها.
حقك في حذف بياناتك
تقدر تعدّل بياناتك في أي وقت من ملفك. ومن صفحة «حسابي» تقدر تنزّل كل البيانات اللي عندنا عنك في ملف واحد، وتحذف حسابك بنفسك في أي وقت. الحذف نهائي: للباحثين عن عمل بتتحذف ملفاتهم وسيرهم الذاتية وطلباتهم والملفات المرفوعة؛ ولأصحاب العمل بتتحذف صفحات شركاتهم ووظائفهم والطلبات اللي وصلتها. لو واجهتك أي مشكلة راسلنا وبنعملها ليك.
وظائف بينشرها فريقنا
عشان نساعد الباحثين عن عمل، فريق اشتغل أحيانًا بينشر وظائف أعلن عنها أصحاب العمل علنًا في أماكن تانية، مع رابط أو بيانات تواصل مأخوذة من الإعلان الأصلي. بننشر بس بيانات العمل اللي صاحب العمل نشرها بنفسه. أي جهة عايزة تعدّل أو تحذف إعلان زي ده، أو تستلم صفحة شركتها، تقدر تراسلنا في أي وقت.
الكوكيز
بنستخدم كوكي واحدة عشان تفضل داخل حسابك، وواحدة تانية تفتكر لغتك المفضلة. ما بنستخدم كوكيز تتبع إعلاني.